Ginbuy-an na sang Hamas ang tatlo pa ka Israeli nga bihag halin sa Gaza sang alas-11 sang aga, local time, ukon alas-5 sang hapon, oras sang Pilipinas subong Sabado, Pebrero 8.
Ini ang pakigbahin sang kabug-usan nga 183 ka presong Palestinian nga nakabilanggo sa Israel.
Upod sa mga ginpalaya amo sanday Eli Sharabi, 52 anyos; Ohad Ben Ami, 56 anyos; kag Or Levy, 34 anyos.
Si Sharabi gindukot halin sa Kibbutz Beeri kaupod ang iya utod, nga nakumpirmar nga napatay, samtang ginpatay man sa amo nga pag-atake ang iya asawa kag kabataan.
Si Ami naman gindukot man sa Kibbutz Beeri kaupod ang iya asawa, nga ginpalaya man sang Hamas.
Samtang si Levy nagpanikasog nga magpalagyo halin sa Nova Festival kaupod ang iya asawa sang nag-atake ang armadong Hamas, apang nahimo siya nga bihag samtang ang iya asawa napatay sa bomb shelter kun sa diin sila nagtago.
Ang bag-o nga hostage-prisoner swap sa tunga sang Hamas kag Israel kabahin gihapon sang ceasefire deal nga nagsugod mag-implementar sang Enero 19.
