KORONADAL CITY – Ginkakibot sang katawhan sang siyudad sang Tacurong ang 3 ka asud-asod nga paglupok sang ginapatihan nga Improvised Explosive Device ukon IED sa bahin sang National Highway sang nasambit nga lugar pasado alas-7:00 subong nga gab-i.
Nahibaloan nga una na nga ginpalupok ang isa ka IED sa bahin sang Purok Ilang-Ilang, Brgy. Isabela.
Suno sa impormasyon nga ginpalab-ot sa Bombo Radyo Koronadal, pila lamang ka minuto kag isa naman ka ginadudahan nga IED ang naglupok sa sulod mismo sang CR sang Dragon Mart.
Dugang pa nga makaligad ang 30 minutos, naglupok naman ang isa ka IED sa guwa sang nasambit nga establisimento kun sa diin nakaangkon sang minor injury ang pila ka mga kapulisan nga nagresponde sa amu nga insidente.
Pito na suno pa ang pilason nga gindala sa balay bulolngan nga nakaangkon sang tuman nga igo sang nasambit nga pagpalupok.
Samtang padayon naman nga ginatumod sang mga kapulisan ang may kahimuan sang pagpamomba.
