KORONADAL CITY- Nakapreso na ang 3 Drug Group members lakip na ang 1 ka ginapatihan nga myembro sang Moro Islamic Liberation Front (MILF) sa ginpatigayon nga search warrant implementation sang gintingob nga pwersa sang Philippine Drug Enforcement Agency –ARMM , City Police Drugs Enforcement Unit (CPDEU) kag Cotabato City Mobile Force Company batuk sa mga High-Value Targets.
Una nga ginpatigayon ang operasyon sa Sitio Pagalungan Bagua 1, Cotabato City kun sa diin naarestar si Allan Kusain Abdillah , 28 anyos, isa ka Brgy. Tanod nga myembro sang Bua Drug Group kun sa diin nakuha sa posisyon sini ang 11 ka pakete sang shabu kag mga drug paraphernalia.
Ginsundan man ini sang pagka-arestar ni Norodin Tayuan Barandia 51 anyos, sa Poblacion 1, Cotabato City nga isa ka myembro suno pa san large scale Drug Ring kagg ginapatihan nga myembro man sang MILF, kun sa diin nakuha sa posisyon sini ang 2 pakete sang shabu, 2 cal. 45 nga pistolya, 1 FEG 9mm caliber pistol, magazines, mga bala, 5 bladed weapons kag ID.
Samtang naarestar man ang 1 pa ka drug suspect sa Purok Buliao 3, Mother Brgy. Poblacion, Cotabato City nga si Tonny Kado Muhammad , 32 anyos HVT kag myembro sang Kautin Drug Group, kun sa diin nakuha sa posisyon sini ang saan 11 pakete sang shabu kag buy-bust money.
Sa karun yara na ang mga ini sa kustodiya sang PDEA-ARMM kag ginpasakaan na sang kaso nga paglapas sa RA 9165 o Comprehensive Dangerous Drugs Act of 2002 samtang dugang nga kaso nga paglapas sa RA 10591 o Illegal Possessions of Firearms and Ammunitions ang ginsang-at batuk kay Norodin Barandia.
