-- ADVERTISEMENT --
KORONADAL CITY – Nagapadayon ang imbestigasyon sang kapulisan sa nagluntad nga pagpangluthang-patay sa isa ka lalaki sa banwa sang Mlang, Cotabato.
Ginkilala sang kapulisan ang biktima nga si Kintol Milikano Kusing, 29 anyos, may asawa kag residente sang Purok 4, Brgy. Dungoan, Mlang, Cotabato.
Suno sa kapulisan, isa ka tawag ang ila nabaton angod sa lalaki nga ginluthang sang wala pa ma-identify nga suspek sa bahin sang Purok 5, Brgy.Dungoan, Mlang, Cotabato.
Apang sang mag-abot ang mga imbestigador gikan sa police station nadala na sang iya pamilya ang bangkay sang biktima sa ila puluy-an.
Sa karon, ginahibalo pa kun ano ang motibo sang krimen kag ngaa nagluntad ang pagpangluthang sa biktima.
