KORONADAL CITY- Ginpasiguro sang 27th Infantry Battalion Phippine Army nga nakaalerto sa gihapon sila sa anuman nga insidente sa tunga sang Holiday season.
Ini sa pihak sang deklarasyon ni Pres. Rodrigo Duterte nga Suspension of Offensive Military Operations o SOMO.
Ginpahayag ni 2nd lt. Ranjan Palacio tagpamaba sang 27th IB nga apisar ginapatuman ang Holiday Truce sa NPA nagapabilin sa gihapon sila nga nakaalerto agud protehiran ang mga sibilyan sa lawless elements.
Nagpanawagan man ini sa mga sibilyan nga makig angot sa militar sa oras nga may rebel sightings sa ila lugar.
Kun madumduman sa ginhatag nga impormasyon sang DND magasugod ang suspension sang opensiba sang militar takna alas 6 sang gab-i sa disyembre 23 tubtob alas 6 sang gab-i sa disyembre 26, 2017.
Liwat naman nga magapatuman sang SOMO sa kasubong nga oras sa Disyembre 30 kaga magatakop sa Enero 2, 2018.
