KORONADAL CITY- Nakabaton gilayon sang cash assistance ang yara sa 27 ka mga miyembro sang komunista nga grupo nga nagsungka sa militar sa probinsya sang Sultan Kudarat.
Nahibaluan nga 15 ka mga miyembro sang Yunit Militia (YUMIL), 1 chairman sang Kilusang Rebulusyunaryong Barangay kag 11 ka mga katapo sang Platoon Myphone sang Guerilla Front 73 sang New People’s Army ang nagsungka sa 33rd Infantry Battalion, Marine Battalion Landing Team-2, sa Senator Ninoy Aquino Municipal Police Station kag 1st Mechanized Infantry Battalion sa Sitio Kisaday, Brgy Kuden, Senator Ninoy Aquino, Sultan Kudarat.
Dugang pa sini nga ila man nga ginturnover ang two improvised bombs, kag 2 Cal 30 M1 Garand, 2 Cal 7.62mm Rifles, 1 Cal .30 Winchester Rifle, 1 40mm M79 Grenade Launcher, 2 Cal 45 Uzi Submachineguns, 1 Cal. 38, 1 9mm KG9 Submachinegun, 1 Cal. 45 M1911A1 Pistol, kag 12 gauge Shotgun.
Suno naman kay 6ID Commander Brigadier General Cirilito E, Sobejana, nagtulod sa pagsungka sang mga rebelde amuh ang na eksperyensyahan nga kabudlay sa pagpangabuhi sa kabukiran kag nabugtaw sa kamatuuran nga lunsay kabutigan suno pa ang mga promisa sang komunista nga mga lider.
Kaangot sini mas ginpahugtan pa ang Pursuit Operations sang Militar batuk sa mga rebelde kag komunista nga grupo.
