Cotabato – Timbog ang isang 27-anyos na lalaki sa ikinasang buy-bust operation ng pulisya sa Poblacion 3, Pigcawayan, Cotabato, bandang alas-9:28 ng gabi noong Disyembre 25, 2024.
Ayon kay Police Major Mark John T Mutlah, Hepe ng Pigcawayan Municipal Police Station, naaresto ang suspek na si alyas “Sayad”,na residente ng Barangay Balacayun, Pahamuddin, (SGA BARMM), matapos kumagat sa naturang operasyon ng mga tauhan ng Pigcawayan MPS kasama ang iba pang mga operatiba ng Cotabato Police Provincial Office at Police Regional Office 12.
Narekober mula sa pag-iingat ng suspek ang nasa 10.11 gramo ng hinihinalang shabu na may tinatayang halaga na Php68,748 at buy-bust money.
Ang suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
