KORONADAL CITY – Naaresto sang mga otoridad ang isa ka 23-anyos nga lalaki sa ginpatigayon nga operasyon sa puluy-an sini sa Purok 2, Barangay New Culasi, Tulunan, Cotabato.
Ginkilala ni Police Captain April Rose R Soria, hepe sang Tulunan Municipal Police Station ang suspek nga si alyas “John”, 23 anyos, soltero, kag residente sang nasambit nga lugar.
Suno kay PCpt. Soria, sa bulig sang Tulunan MPS kag PDEU, nakumpiska sa puluy-an sang suspek ang isa ka unit sang cal. 45 nga may upod nga duha ka bala kag walo ka plastic sachet sang ginapatihan nga shabu nga may kabug-aton ngna 3 ka gramo nga nagakantidad sang Php18, 500.00.
Magapangatubang naman ang nadakpan nga suspek sang kaso nga paglapas sa RA 10591 o Comprehensive Firearms and Ammunitions Regulation Act.
