KORONADAL CITY- Ginatinguhaan subong ang lokal nga gobyerno sang Norala, South Cotabato agud mahatagan sang gilayon nga bulig ang ginabulubanta nga 100 ka indibidwal nga apektado sang pagpanalasa sang buhawi sa Brgy. Lopez Jaena, Norala South Cotabato.
Sa interbyu sang Bombo Radyo Koronadal kay Norala, South Cotabato Mayor Victor Balayon, yara sa 22 nga mga puluy-an ang naguba bangud sa tuman ka baskog nga hangin kun sa diin luwas dire, may mga natumba man nga mga dalagkuan nga mga kahoy kag naguba ang pila ka ektarya sang pananom.
Bangud sa nasambit nga kalamidad, naglab-ot man sa halos 5 ka oras ang pagkadula sang suplay sang kuryente sa nasambit nga banwa.
Sa subong ginahibalo pa ang kabug-usan nga damyos nga napagkit sa nasambit nga pagpanalasa sang buhawi.
Nahibaluan nga taga hapon naga eksperyensya sang malain nga paniempo ang pila ka banwa sa probinsya sang South Cotabato nga nangin tunaan sang pagluntad sang pagbaha kag landslide.
