Dead on arrival ang isa ka motorcycle rider matapos maimbolbar sa vehicular accident sa national road sa Barangay Zone IV, Koronadal City.
Ini ang nangin pahayag ni PMSGT. Fely Bascon, Trffic Investigator ng Koronadal City PNP – Traffic Section, sa interview sang Bombo Radyo Koronadal.
Suno kay Bascon, ginkilala ang biktima kay si alyas Aaron, single kag residente sang Purok Roxas, Barangay Concepcion, syudad sang Koronadal.
Sandig sa inisyal nga imbestigasyon sang Traffic Section ng Koronadal City Police, ginamaneho sang biktima ang iya motorsiklo halin Tantangan padul-ong sa roundball sang syudad sang mabangga sini ang ginasundan nga salakyan nga ginamaneho naman ni alyas Edu, 33 anyos, kag residente sang Barangay Zone III.
Bangud impact, nakaagom sang tuman nga pilas ang biktima kag gilayon man nga gindangat sa balay-bululngan apang gindeklarar ini nga dead on arrival.
Sa karon, padayon ang imbestigasyon sang mga otoridad sa gintunaan sang nasambit nga insidente.
