Nakapatay sang halos 22 katawo kag halos 117 ka pilason ang ginlunsar nga airstrike sang Israel sa Beirut sang Huwebes, Oktubre 10, 2024 ini suno sa Lebanese Health Ministry.
Suno sa opisyal nga National News Agency sa Lebanon, ang una nga ginlunsar nga airstrike sa Beirut naigo ang third floor sang eight- storey building sa bahin sang Nowayri kag ang ika duha naman nga airstrike naigo ang four-storey building sa bahin sang Fathallah Street sa Basta Al Fawqa nga nag-collapse gid ang buo nga edipisyo.
Suno naman sa Israeli Media, ginlunsar ang pag atake nga ginatarget ang head sang Hezbollah liaison and coordination unit nga Wafiq Safa.
Dugang sini, ginkumpirma man sang Hezbollah nga naka survive si Safa sa Israeli Assasination attempt kag padayon sa gihapon ang pag bakwit sang apat nga lapit sa edipisyo ang mga Lebanese Civil Defense Teams.
