KORONADAL CITY – Naglab-ot na sa 20 ka mga kabalayan ang nagkalaguba sa pagpanalasa sang buhawi sa Brgy. Kalanawe Dos sa banwa sang ng Pres. Quirino, Sultan Kudarat.
Sa ekslusibo nga interbyu sang Bombo Radyo Koronadal kay Brgy. Kalanawe Dos Kagawad Jerry Sistosa sa 20 ka mga gindalasa nga mga kabalayan, 8 dire ang totally damaged makaligad matumbahan sang puno kag ginlupad sang mabaskog nga hangin ang ila mga atop partikular na sa Prk. Saranay, Namnama kag Sitio Lagon.
Ginsaysay naman ni Gng. Arna Joy Palaruan isa sa mga apektado sang buhawi, nagakatulog lang suno pa sila sang gulpi na lang nag-ulan kag naghangin sang mabaskog nga hangin kag natumba ang puno sang mangga kag na trap sila sa sulod.
Samtang suno naman kay Gng. Mila Patricio sang nagpanalasa ang buhawi, nagdalagan suno pa ini dala ang iya bata bangud nagkalatumba na ang dalagko nga mga puno sang kahoy.
Sa karun padayon pa ang ginahimo nga damage assessment sang Provincial Disaster Risk Reduction and Management Council sang Sultan Kudarat sa nasambit nga pagpanalasa sang buhawi.
