KORONADAL CITY- Nagpositibo sa ginpatigayon nga random drug testing ang 20 ka mga inmates sa sulopd sang South Cotabato Provincial Jail.
Sa interbyu sang Bombo Radyo Koronadal kay Jail Warden Juan Lanzaderas, sa 65 ka mga inmates nga ginpaidalom sa random drug testing, ginkakibot nila nga 20 ang nagpositibo.
Tuman naman ang pagpanginwala sang mga inmatesnga naga usar sila sang iligal nga droga samtang gin-awhag ni Lanzaderas ang mga jail guards nga pahugtan pa ang ginapatuman nga inspeksyon bangud may nakasulod sa gihapon nga iligal nga droga sa sulod.
Nakatalana naman nga iseperar ang mga nagpositibo agud matutukan ang mga ini samtang igapatuman ang pagpahugot sa mga jail guards kun sa diin magapanabat ang mga ini sa tion nga mapamatud-an nga may koneksyon sila sa pagpasulod sang kontrabando.
