20 anyos nga lalaki patay makaligad nga naghikog sa syudad sang Koronadal, depression ang ginalantaw nga motibo

KORONADAL CITY – Patay ang isa ka persona makaligad nga gin untas ang iya kaugalingon sa bahin sang Purok Maligaya, Brgy. San Isidro, syudad sang Koronadal.

Sandig sa imbestigasyon, ginkilala ang biktima nga isa ka lalaki, 20 anyos, isa ka soltero kag residente sa nasambit nga lugar.

Suno pa, nasapwan lamang ang biktima takna alas 10 sang gab i sang iya nga magulang nga naghikog ini sa iya nga kwarto usar ang isa ka kurtina.

Dugang pa, may apat na ka bes nga nagahana nga maghikog ang nasambit nga biktima apang wala gid ini naga istorya kung ano ang iya nga problema.

Tuman gid ang pagpangasubo sang pamilya sa nasambit nga insidente kag natukiban nga nagapangatubang sa depression ang biktima kag amo ini ang nangin tunaan sang iya paghikog.