KORONADAL CITY – Nagakasubo ang pamilya sang isa ka duha ka tuig nga bata nga lalaki matapos bawian sang kabuhi bangud sa pagkalumos sa suba.
Ginkilala ang biktima nga si Brodly Avance Macaranas nga residente sang Purok Palomar, Barangay Yangco, Banga, South Cotabato.
Sandig sa report, nagahampang ang bata sa kilid sang suba tubtob naligo kag wala na makita pa.
Sa panaysayon ni Annaly Avance Macaranas, iloy sang biktima, gikan suno pa sya sa ila nga uma sang ginpahibalo sang iya bana nga nalumos sa suba ang ila nga bata.
Ginpangita pa ang biktima apang makaligad ang pila ka oras nasapwan ang bata nga wala na sang kabuhi sa kilid sang suba Purok Masagana, Barangay Reyes.
Nahibaluan nga isa ka kilometro lamang ang kalayuon sang lugar kun diin nasapwan ang bata gikan sa ila nga puluy-an.
Gindala pa sa hospital ang biktima apang gindeklarar nga dead on arrival.
