KORONADAL CITY – Pasimple nga gin videohan sang isa ka Pinay ang 2 man ka mga Pinay Domestic Helpers sa pugsod Kuwait nga gina alegar nga ginamaltratar suno pa sang ila mga amo.
Sa video nga ginpost sa social media ni Elgnij Flux, makit-an ang duha ka mga OFWs nga kasubong nga tuman ang kahadlok samtang nagabantay sa mga bata sang ila mga amo.
Base sa impormasyon ginkilala ang mga OFWs nga sanday Aileen Tenorio nga residente suno pa sang South Cotabato kag Elisa Macaspac nga taga Luzon.
Wala suno pa sila makahibalo sang ila address sa Kuwait kag gina swelduhan lamang sila sang 90 Kuwaiti Dinar ukon masobra P15,000.
Dugang pa nga ginakuha man ang ila mga cellphone kag ginakulata suno pa sang mga amo.
Indi man sila maistorya sang maayo bangud sa kahadlok nga madakpan sang ila mapintas suno pa nga mga amo.
Ang mabulig na lamang suno pa sang nagvideo amuh ang makalab-ot ini sa pamilya sang mga OFWs kag sa nagakaigo nga ahensya sang gobyerno nga sarang makabulig sa mga ini.
Yari ang link sang video sang mga Pinay DH nga nagapangayo sang bulig:
https://web.facebook.com/100006143267666/videos/2343985542482865/
