KORONADAL CITY – Duha ang pilason sa nagluntad nga aksidente sa dalanon matapos nga magkarerahay ang duha ka rider sa Sitio Bagong Tuklas, Brgy. Liwanay, Banga, South Cotabato bandang alas 8:30 ng kagabi, August 12, 2024.
Ginkilala sang kapulisan ang mga biktima na sanday Jerroll Casinto, 22 anyos, residente sang Brgy. Cinco kag Wilfredo Nala, 25 anyos, residente naman sang Brgy. San Vicente sang nasamit nga banwa.
Sandig sa imbestigasyon sang Banga PNP, nakainom sang makahulubog nga ilimnon ang duha kag nagakarera padulong sa direksyon sang Surallah sang magbungguanay ang ila mga motorsiklo.
Nag-angkon sang malala nga pilas sa ulo si Nala, samtang nag-angkon naman sang pilas sa nagkalain-lain nga bahin sang iya lawas si Casinto.
Gilayon nga gindala sa hospital ang duha kag gindapatan sang nagakaigo nga pagbulong.
Ginkustodiya naman sang kapulisan ang mga motorsiklo sang mga ini.
Kaangot sini, padayon ang panawagan sang mga otoridad sa mga motorista nga indi mag-entra sa karera sang motorsiklo agud makalikaw sa disgrasya.
