KORONADAL CITY- Ginabulong na subong sa balay bululngan ang suha ka mangingisda matapos ang aksidente nga pagsogabong sang home-made dynamite nga gingamit sang mga ini sa pagpangisada sa Rio Grande de Mindanao.
Ginkilala ni Brig. Gen. Graciano Mijares, director sang Regional Police Office sang Bangsamoro Autonomous Region in Muslim Mindanao (BARMM), ang mga biktima nga sanday Datu kag Mahdi Matabalao.
Suno kay Mijares, nagapangisda ang mga biktima sa suba nga sakoo sang Barangay Kalanganan, Cotabato City dala ang mga dinamita sang aksidente nga nagsigabong sa ila nga ginsakyan nga pangdagat ang isa sa mga ini.
Maayo na lamang suno pa kag minor injuries lamang ang naangkop sang mga mangingisda.
Nahibaluan nga ginhimo halin sa ammonium nitrate ukon potassium chlorate nga ginhaluan sang gasolina kag sulfur ang ginagamit sang mga ini nga kasubong suno pa sa ginahimo nga improvised explosive device (IED) sang local ISIS terrorist sa lugar.
Natalana naman nga ipaidalom sa imbestigasyon ang mga ini matapos nga mabulong sa balay bululngan.
