KORONADAL CITY-Nagapadayaon sa subong ang imbestigasyon sang mga otoridad sa nagluntad nga pagpangluthang sa bahin sang Datu Saudi, Ampatuan Maguindanao nga nagresulta sa pagkapilas sang 2 ka indibidwal lakip na ang isa ka katapo sang ng Bureau of Fire Protection (BFP).
Ginkilala sang Ampatuan PNP ang mga pilason nga mga persona nga sanday Fire Officer 1 Jingle Bedeña, 28 anyos , naka-destino sa Sultan Sa Barongis Fire Station kag ang upod sini nga si Salahudin Pato, 21 anyos nga lunsay naka-angkon sang igo sang bala sa kalawasan.
Nag guwa sa imbestigasyon sang mga otoridad nga sakay sang motorsiklo ang mga biktima sang hinali na lamang ang mga ini nga gindikitan kag gin pangluthang sang wala pa nakilal-an nga mga riding in tandem suspects.
Nag-usar suno pa sang Caliber .45 pistol ang mga suspek sa nasambit nga krimen.
Sa subong, ginahibalo pa sang mga otoridad ang motibo sang krimen labi pa nga nagapadayon pa ang pagpatuman sang election gun ban.
