KORONADAL CITY – Pilason ang duha ka persona kag naglab-ot sa halos 40 ka mga panimalay ang ginguba sang mabaskog nga hangin kadungan sang pag-ulan sa lima ka barangay sa bahin President Quirino, Sultan Kudarat.
Ini ang ginpahayag ni Jonathan Ceballos, ang MDRRM Officer sang Pres. Quirion sa eksklusibo nga interbyu sang Bombo Radyo Koronadal.
Nangin tuman ka apektado suno pa ang mga panimalay sa Brgy. Romualdez kag Kalanawi II kon sa diin may yara sang duha ka totally damages, 17 ka panimalay ang partially damaged kag 15 ang mga slightly damaged.
Dugang ni Ceballos, nga ongoing pa ang ila ginapatigayon nga assessment sa damyos nga natuga sang mabaskog nga hangin kag pag-ulan bangud padayon sa gihapon sila naka eksperyensya sang malain nga paniempo mangin man ang pila ka mga banwa sang Sultan Kudarat.
Sa subong yara na sa maayo nga kondisyon ang mga apektado nga pamilya kag nahatagan na sang pauna nga bulig sang lokal nga gobyerno sang Pres. Quirino.
