Nagapadayon sa subong ang imbestigasyon sang mga otoridad sa nagluntad nga serye sang pagpangluthang patay sa bahin sang Barangay Inug-ug, Pikit, Cotabato.
Ginkilala sang mga otoridad an mga biktima nga sanday Muslimin Nanalong, Grade 11 student kag Raffael Abu Indong nga lunsay mga residente sang Barangay Kabasalan, Pikit kag mga Senior High students sang Noorul Eilm Academy Foundation Inc.
Naguwa sa imbestigasyon sang mga otoridad nga sakay ang mga biktima sang isa ka motorsiklo kag padulong kuntani sa ila nga buluthuan halin sa Barangay Kabasalan padulong sa Inug-ug, Pikit sang ginluthang sang wala pa makilal-an nga mga suspek.
Suno naman sa mga nakakilala sa mga biktima, mga mabout suno pa nga mga kabataan ang mga ini kag wala man naulamid sa kun anuman nga mga krimen kag bisyo.
Wala naman gina kabig nga robbery sang mga kapulisan ang motibo sa krimen bangud wala man sang may nadula sa mag gamit sang mga biktima kag ara man ang motor nga ginasakyan sang mga ini.
Sa karun, padayon ang hot pursuit operation sang Pikit MPS kaupod na ang 40th Infantry Battalion para pangitaon ang mga suspek.
