2 patay sa pagtibusok sang eroplano sa pungsod Brazil

Patay ang duha ka pasahero matapos nga mag tibusok ang gina sakyan sini nga eroplano sa Sao Paulo, Brazil kahapon.

Suno sa mga otoridad, nagtibusok ang nasambit nga Beech P90 King Air sa isa ka bus sa Marqes de Sao Vicente Avenue.

Nakaagom naman sang pilas ang isa ka babae nga sakay sang bus kag madason man gin dala sa balay-bulolngan.

Isa man ka biktima ang pilason samtang naga bike ini matapos maigo sang mga debris halin sa eroplano kag madason man gin tagaan atensiyon-medikal sa isa ka balay-bulolngan.

Sa subong, padayon pa ang imbestigasyon sa gintunaan sang pagtibusok sang eroplano.