KORONADAL CITY-Patay ang duha kalalaki matapos ang magbuguanay ang mga motorsiklo nga ginamaneho sang mga ini sa national highway sang Alamada, North Cotabato.
Sa impormasyon nga ginpalab-ot sang Alamada PNP sa Bombo Radyo Koronadal, ginkilala ang mga biktima nga sanday Mosaiden Ricor 17 anyos kag Allan Gumaway 25 anyos nga lunsay residente sang Brgy. Dado,Alamada sa nasambit nga probinsya.
Base sa inisyal nga imbestigasyon sang Alamada PNP, nahibaluan nga nagluntad ang insidente samtang nagadali sa pagbakal sang pagkaon si Ricor samtang papuli naman si Gumaway sang nagbuguanay ang ila nga mga motorsiklo.
Gilayon naman nga gindangat sa balay bululngan apang wala na nasalbar pa kag ginbawian sang kabuhi.Sa subong padayon sa gihapon ang imbestigasyon sang kapulisan sa nagluntad nga insidente.
