Patay ang sakay sang motorsiklo sang nabangga sa isa ka forward truck sa nagluntad nga disgrasya sa Sitio Datu Nakan, Brgy. Kapaya, Bagumbayan, Sultan Kudarat, alas 2:50 sang kaagahon sang Marso 20, 2025.
Nahibal-an pa nga utod kag hinablos suno pa sang driver sang forward truck ang sakay sang motorsiklo.
Ginkilala ang driver sang forward truck nga si Ruel Silverio, 45 anyos.
Samtang, sakay naman sang NMAX motorcycle ang iya utod nga si Bigjohn Silverio, 33 anyos, kag hinablos sini nga si Jonel Gallenero, nga yara na sa legal nga pangedaron.
Suno sa imbestigasyon samtang nagapadulong si Ruel sa direksyon sang President Quirino agud magkarga sang tubo, hinali lang nga nabunggo ang isa ka NMAX motorcycle sa iya ginamaneho nga forward truck halin sa pihak nga linya.
Matapos ang aksidente, gilayon nga ginkulong sang mga awtoridad si Ruel.
Kag ginkakibot sini sang nahibal-an niya nga utod kag hinablos niya ang iya nabangaan.
Dead on the spot si Big John samtang si Gallenero gindala pa sa balay bululngan apang gindeklarar nga dead on arrival.
Sa karon, uyat na sang kapulisan ang driver sang forward truck samtang, kasubo ang nabatyagan sang driver bangud nabungguan sini ang iya nga utod kag hinablos.
