KORONADAL CITY- Duha ang kumpirmado nga patay samtang ginahibalo pa ang numero sang mga pilason sa nagluntad nga pagbungguanay sang duha ka pampasahero nga van sa National Highway sa banwa sang Esperanza, Sultan Kudarat.
Sa impormasyon nga ginpalab-ot ni Bombo Correspondent Arnel Palada, isa ka babaye kag lalaki ang mga casualties kag padayon pa nga ginahibalo ang identity sang mga ini.
Una dir, nagluntad ang insidente sa tunga sang duha ka puti nga van sa bahin sang boundary sang Barangay Laguinding kag Barangay Dukay kun sa diin ang isa suno pa ang padulong sa Cotabato City samtang ang isa naman nagabiyahe padulong sa Tacurong City.
Naguwa sa inisyal nga imbestigasyon sang mga otoridad nga wala makit-an sang duha ka driver ang ila nga pagsugat-anay bangud sa mabaskog nga bubo sang ulan.
Sa sobra nga kabaskog sang impact, wasak ang atubangan nga bahin sang isa ka van.
Gindala naman sa nagkalain-lain nga hospital sa probinsiya sang Sultan Kudarat kag South Cotabato ang mga pilason samtang ginahibalo pa kun ano ang rason sang aksidente.
