KORONADAL CITY– Nagresulta sa kamatayon sang duha ka persona ang nagluntad nga disgrasya sa national highway sa Brgy. Saravia syudad sang Koronadal.
Sa ekslusibo nga interbyu sang Bombo Radyo Koronadal kay alyas Daryll, isa sa mga nakasaksi sa madinuguon nga aksidente, patabok suno pa si Rolando Bungon, 72 anyos agud magpangita sang masakyan sang mabungguan ini sang isa ka motorsiklo nga ginamaneho ni Datu Omar Disalao Sambuto, 64 anyos, residente sang Tupi, South Cotabato nga papuli na kuntani sa ila puluy-an.
Nagtabog si Datub Omar sa iya motorsiko kun sa diin halos mabuka ang ulo sini kag nabali man ang bahin sang lawas ni Bungon kun diin lunsay duguan ang mga ini.
Wala naman nahingagaw pa sang rescue team ang mga biktima nga ginpangdeklarar nga dead on arrival.
Nahibaluan nga si Datu Omar ang anay kagawad sang Palian, Tupi, SoCot samtang si Bungon ang amay sang isa ka traffic enforcer.
