KORONADAL CITY – Ginbawian sang kabuhi ang duha ka mga suspek nga target sang separar nga police operation sa banwa sang Polomolok, South Cotabato matapos suno pa nga magbato sa mga otoridad.
Sa interbyu sang Bombo Radyo Koronadal kay Police Major Rommel Hitalia, deputy chief of police sang Polomolok MPS, una nga ginserbe sang operating team ang search warrant sa puluy-an ni Omie Mark Villanueva, 27-anyos nga ginapatihan suporter sang grupo nga Dawlah Islamiyah Soccsksargen Katiba sa Purok 5, Barangay Koronadal Proper, Polomolok, South Cotabato.
Nabantayan suno pa ni Villanueva ang presensya sang mga otoridad rason nga nagbunot ini sang iya nga pistola kag ginpalukpan ang operating team.
Naigo naman ang suspek sa pagbalos sang mga otoridad rason nga gilayon ini nga gindala sa hospital apang ginbawian sang kabuhi.
Narekober sa ginluntaran sang insidente ang isa ka 38 revolver nga may marka nga armscor 202 nga may tatlo ka cartridges kag duha ka fired cartridge case nga may cylinder kag duha ka fired cartridge case sang ginapatihan nga Cal. 9mm.
Samtang, sa ikaduha nga operasyon sa Purok 7, Brgy. Glamang, Polomolok, South Cotabato nagbato man suno pa ang target sang operasyon nga si Anthony Marquez aka Nonoy Verdida, 51 anyos rason nga ginbawian man ini sang kabuhi.
Dugang pai Hitalia, nga nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2020 ang mga napatay nga suspek.
