KORONADAL CITY– Nagresulta sa kamatayon sang 2 ka tawo kag pagpilas sang 26 ka iban pa ang natabo nga pagkahulog sang ginasakyan nila nga Elf Truck sa sementado nga kaldasa sa Barangay Nalapaan, Pikit, North Cotabato.
Suno kay Police Corporal Badrodin Omar Manalasal ng Pikit PNP, ginkilala ang mga napatay nga biktima nga sanday Akraman Aluyudan, 43 anyos, isa ka mangunguman kag si Huyaan Mamir, 27 anyos nga lunsay residente sang Barangay Giling, Alamada, Cotabato.
Samtang, gilayon naman nga gindangat ang mga pilason sa balay bululngan.
Nagagwa sa imbestigasyon sang Pikit PNP, ginasubay suno pa sang elf truck ang National Highway sakay ang mga maghimata nga biktima, padulong sa Barangay Amas, Kidapawan City apang sang naglab-ot sa kurbada nga dalan, gintestingan nga magmag-overtake sang truck apang may nasugtan ini nga motorsiklo rason nga nagbalik ini sa iya nga lane tubtob nadulaan sang kontrol ang drayber.
Bangud diri, natumba ang nasambit nga salakyan kag nahulog ang tanan nga mga pasahero nga sakay sini.
Sa karon, nagapadayon pa ang ginapatigayon nga imbestigasyon sang PNP angot sa nasambit nga insidente.
Nahibaluan nga magatambong kuntani sa isa ka seminar ang mga biktima.
