KORONADAL CITY – Naglab ot sa halos 100 ka mga pamilya ang nagbakwit halin sa duha ka barangay sa banwa sang Sultan Kudarat, Maguindanao makaligad nga nagluntad ang panibag o nga engkwentro sa tunga sang duha ka grupo sang Moro Islamic Liberation Front (MILF) nga ginkapatay sang duha katao.
Ginkumpirma ni Mayor Shameen Mastura, Alkalde sang nasambit nga banwa nga madugay na nga ginresolba ang problema sa gakinagamo nga grupo nga ginapangunahan sang mga MILF apang wala nahibaluan nga rason, gulpi na lamang nga nagluntad liwat ang kinagamo.
Bangud sa nasambit nga engkwentro ag tuman nga paglukpanay sang magkontrahanay nga gruipo, apektado ang halos 100 ka pamilya sa nasambit nga lugar nga nagbvakwit agud malikaw sa nasambit nga kinagamo.
Napagkit man ang 2 ka katao nga napatay sa nasambit nga kinagamo apanag ginahibalo pa sa karon ang mga identity sini.
Samtang naghimo naman ang Municipal Peace and Order Council o MPOC sang pagtilipon lakip na sanday MP Tucaco Mastura, Ltc. Ferdinand Dela Creuz sang 6th Mechanize Batallion,Ltc. Sabri Lakibul ng SK PNP kag iban pa nga mga commanders sang MILF agud magkaugyonay kag bmangiun malinong na ang kinagamo.
Gilayon naman nga ginpasinapol ni Mastura ang Peace and Order Council kaina lamang agud hibaloon kung paani magabalik sa normal ang pagpangabuhi sang mga apektado nga pamilya.
