KORONADAL CITY- Duha ang patay samtang 5 naman ang arestado nga myembro sang Bangsamoro Islamic Freedom Fighters (BIFF) sa nagluntad nga engwentro sa tunga sang rebelde nga grupo kag sang 33rd IB Philippine Army kaina sang aga sa probinsiya sang Maguindanao.
Sa ekslusibo nga interbyu sang Bombo Radyo Koronadal kay Lt. Col. Harold Cabunoc, Batallion Commander sang 33rd IB Philippine Army, naglab-ot sa masobra isa ka oras ang pakig gyera nila sa mahigit 30 ka myembro sang BIFF nga ginapamunuan sang isa ka Sulayman Tadon sang Brgy. Mangadeg, Datu Paglas Maguindanao.
Nakumpiskar ang mga matag-as nga kalibre sang armas luthang kag mga eksplosibo sa 5 ka mga naarestar nga rebelde samtang ginalagas pa ang mga nakalagyo nga kaupdanan lakip na ang lider sang grupo samtang 2 ang patay.
Sa subong yara na sa kustodiya sang militar ang 5 ka mga rebelde kag ginapaidalom na sa interogasyon.
