KORONADAL CITY – Patay ang duha ka driver samtang 3 naman ang pilason sa pagkarambola sang 2 ka motorsiklo kag dump truck sang provincial government sa Purok Paraiso, Barangay Reyes, Banga, South Cotabato.
Ginkilala ang isa sa mga napatay sanday Jonilo Sedeño, nga residente sang Barangay Zone 2, Surallah samtang ginahibalo pa sa subong ang identity sang isa pa ka driver sang motorsiklo nga yara sa morgue subong sang South Cotabato Provincial Hospital.
Sandig sa report, nasugata sang dumptruk nga ginapanag-iyahan sang Provincial Government sang South Cotabato ang 2 ka motorsiklo padulong sa banwa sang Surallah kun diin nakibot na lamang ang mga residente nga nabunggo ang mga ini kag nagtabog ang mga backrider sang motorsiklo.
Ginkilala naman ang mga napilasan kanday Rogie Postanes kag Dodong Sedeño.
Samtang, ginsaylo na sa hospital sa Davao City ang isa pa ka pilason nga ginkilala kay Cyrus Salarda, 23, single nga residente sang Kalawag 2, Isulan, Sultan Kudarat.
Nagpanawagan naman ang mga opisyal sa pamilya sang isa pa ka driver nga napatay sa insidente nga padulungan ini sa morgue sang provincial hospital.
