KORONADAL CITY – Padayon sa subong ang imbestigasyon sang mga otoridad sa nagluntad nga pagpangluthang sa maghimata sa probinsya sang Maguindanao.
Suno sa otoridad, gilayon nga ginbawian sang kabuhi ang mag iloy samtang pilason naman ang duha pa nga himata sang mga ini makaligad luthangon sang mga armado nga lalaki sa Barangay Matuber, Datu Blah Sinsuat, Maguindanao.
Ginkilala ang mga ginbawian nga sanday Nenita Kurasig, 58 anyos kag bata sini nga si Yunidis Kurasig samtang pilason naman sanday Christian Poel Karasig, 26 anyos kag isa nga 36 anyos nga ginkilala lamang sa pangalan nga Marrigo.
Naguwas sa imbestigasyon sang otoridad nga samtang malipayon nga galantaw sang telebisyon ang mga biktima kay hinali na lamang nag abot ang grupo ni Sumagka Mundo nga may bitbit nga mga magtag-as nga kalibre sang pusil kag ginpaulanan sang bala ang mga ini.
Sa subong, ginahibalo pa ang motibo sa nagluntad nga krimen
