KORONADAL CITY– Nagsungka ang 2 ka New People’s Army members nga ginakabug-usan sang isa ka menor de edad sa 27th Infantry Battalion sa banwa sang T’boli, South Cotabato.
Sa interby sang Bombo Radyo Koronadal kay 2nd Lt. Col. Radjan Palacio, tagpamaba sang 27th Infantry Battalion Philippine Army, ginsungka man sang mga rebelde ang ila 2 ka mga armas makaligad nga mahuna-hunaan nga biyaan ang Guerilla Front 73 sang Far South Mindanao Region Committee.
Ang nasambit nga mga rebel returnees ang ginkilala nga sanday alyas Tarzan nga isa ka 16 anyos halin sa tribo nga Tboli kag kalakip sa Platoon sang Roxas Range sang NPA Front 73 kag isa ka alyas Michael 23 anyos halin sa banwa sang Lake Sebu South Cotabato.
Nahibaluan na ang nasambit nga mga rebelde anng kasali suno pa sa mga pagpang-atake sa mga dalanon kag nagapatigayon sang extortion.
Nagsungka ang mga ini bangud nakit-an nila nga wala sang ginabunga nga manami ang ila pakig-engkwentro sa gobyerno kag wala sang nabulig ang komunista kag rebelde nga grupo agud nga mahaw-as sila sa kapigaduhon.
Makaligad nga magsungka, gilayon ang mga ini nga gin endorso sa South Cotabato Provincial Social Welfare and Development Office agud mahatagan sang bulig.
