Duha ang ginpahayag nga patay samtang masobra 10 ang pilason kasunod sang pagsulod sang kapin 2,000 ka personnel sang Philippine National Police sa compound sang Kingdom of Jesus Christ sa Davao City agud magserbe sang warrant batok kay Pastor Apollo Quiboloy.
Sa interview sang Bombo Radyo kay Mr. Jeffrey Celiz, consultant sang National Task Force to End Local Communist Armed Conflict, iya ginpahayag nga ang isa ka napatay ang nagsuprir sang cardiac arrest samtang ang isa naman ang gin-atake sang asthma sa tunga sang pagsulod sang mga pulis sa nanuhay-tuhay nga buildings sa sulod sang compound.
Suno kay Celiz, makabig nga overkill ang natabo bangud sa sobra-sobra nga paggamit sang pwersa sang gobyerno.
Pahayag ni Celiz, madamo man ang nagkalalipong bangud sa paghaboy sang tear gas sang kapulisan sa mga myembro sang religious group sa compound.
Gintawag man sini nga poderoso kag arogante si Police Regional Office-11 Regional Director Brigadier General Nicolas Torre III nga amo nanguna sa pagserbe sang warrant.
Nahibaluan nga yara mismo si Celiz sang natabo ang operasyon.
Si Celiz ang nangin host sang Sonshine Media Network International nga gintukod ni Quiboloy sang 2000 samtang 1985 naman sang gintukod sang pastor ang Kingdom of Jesus Christ
