KORONADAL CITY – Patay ang duha ka miyembro sang Local Terrorist Group-Dawlah Islamiya samtang pilason ang isa ka sundalo sa nagluntad nga nga engkwentro sa Barangay Talcon, Tboli, South Cotabato.
Ini ang ginpahayag ni Captain Rojie Munoz, Commanding Officer 10th Special Forces (Cobra) Company sa interbyu sang Bombo Radyo Koronadal.
Suno sa iya, magapasang at lang kuntani sang warrant of arrest ang mga otoridad sa lugar apang nagbato ang mga suspek nga nangin tunaan sang ila nga pagkapatay kag pagkaangkon sang pilas sang isa ka sundalo bangud may natabo pa nga bayluhanay sang lupok.
Sa karon, mas nakaalerto ang kasuldaduhan kag pakig angot man sa mga kapulisan sa posible nga pagbalos sang mga armado nga grupo// Ginpasiguro naman sini nga sila ang padayon nga magabantay agud nga magapabilin ang kalinong sa South Cotabato.
