Nagsungka sa mga otoridad ang duha ka miyembro sang Communist terrorist Group sa ginpatigayon nga OPLAN “CIVET” sang Sultan Kudarat PNP sa Barangay Midtungok, Senator Ninopy Aquino, Sultan Kudarat.
Ginkilala ni PLTCOL ROY P ROMUALDO, OIC, RMFB 12 ang nagsungka nga si alyas “BUNSO” 37 anyos, mangunguma kag residente sang Brgy. Malawanit, Magsaysay, Davao del Sur nga anay Commander sang Platoon Samsung, Front Musa, FSMR.
Samtang ang isa pa amo si alyas “ADRIN” 52-anyos kag misyonaryo sang SDA Church kag isa ka Political Instructor sang former Platoon Myphone, Front Daguma GF 73, FSMR nga residente sang Miana Subd., Poblacion, Polomolok, South Cotabato.
Suno kay PLTCOL Romualdo, nagpatigayon sang Major ISO sa idalom sang Oplan Civet ang mga tinawo sang 1202nd MC, RMFB 12 kaupod ang Senator Ninoy Aquino MPS kag 2nd SKPMFC nga ngresulta sa pagsungka sang duha ka anay mga myembro sang CTG.
Ginsungka man sang duha ang isa ka unit sang cal. 30 M1 Carbine, isa ka magazine kag appat ka ammunition.
Kalakip man sa ginsurrender ni alyas “Aldrin” ang mga subersibo nga dokumento.
Sa karon, yara na sa kustodiya sang 1202nd MC, RMFB 12 ang duha nga nagsungka kag natalana nga ipaidalom sa Enhanced Comprehensive and Local Integration Program.
