-- ADVERTISEMENT --

KORONADAL CITY- Yara sa estado sa karon sang taruma ang 2 ka mga menor de edad makaligad nga gintiro ang ila nga amay sa ila mismo atubang sa Brgy. Buenaflor, syudad sang Tacurong.

Sa interbyu sang Bombo Radyo Koronadal sa kay Alyas Anne , nasaksihan mismo sang iya nga hinablos kun paano ginsulod sang riding-in-tandem ang ila puluy-an nga si Keith Dellomes, 36 anyos kag gintiro tubtob sa mapatay.

Nahibaluan nga tuman nga kahadlok ang gintuga sini sa 10-anyos kag 8 ka tuig nga mga bata sang biktima kun sa diin yara man sa sulod sang puluy-an ang 3 ka semana nga lapsag.

Dugang pa sini nga 5 ka bes nga gintiro ang biktima sang 2 ka suspek kun sa diin maswerte nga nakapanago ang asawa sang biktima nga bag-o lang nagbun-ag.

Ginpahayag man sini nga may kaso bangud sa iligal nga druga ang biktima kag natalana na kuntani nga magtambong sa ulihi nga hearing sang iya nga kaso subong nga adlaw.