KORONADAL CITY – Natalana nga pasakaan sang kaso ang duha ka mga myembro sang Bangsamoro Islamic Freedom Fighters (BIFF) matapos nga marekober sang militar kag kapulisan ang fire arms factory sang mnga ini sa boundary sang Maguindanao kag Sultan Kudarat.
Ini ang ginkumpirmar ni 33rd Infantry Battalion Philippine Army commanding officer, Lt. Col. Harold Cabunoc sa interbyu sang Bombo Radyo Koronadal.
Suno kay Cabunoc, magapangatubang sa nagakaigo nga kaso sanday Sukarno Buka kag Garido Balabagan nga ginapatihan nagapamuno sa nasambit nga factory.
Nahibaluan nga ginsalakay sang 33rd IB, Ist Mechanized Infantry Battalion, 7th Field Artillery Battalion kag PNP 4th Special Action Battalion ang nasambit nga lugar kag nakuha ang mga matag-as nga sahi sang armas luthang, mga bala kag mga bomba.
Gindakop man sang mga otoridad ang 15 katawo apang ginbuy-an matapos nga wala sang may mapakita nga mabakod nga ebedensiya batuk sa mga ini.
