KORONADAL CITY- Yara na sa kustodiya sang Parang PNP ang duha sa mga pulis nga lakip sa pagpatay sa hepe sang Regional Police Mobile Force 14 nga si Police Capt. Rolando Moralde sa natabo nga shootout sa Parang Public Market.
Ini ang ginkumpirma ni PLTCOL. Christopher Cabugwang, chief of police sang Parang Municipal Police Station sa interbyu sang Bombo Radyo Koronadal.
Suno kay Cabugwan, ang duha ka mga pulis nga wal pa ginpangalanan ang gikan pa sa mga police sttaion sa idalom sang Maguindanao del Norte kag Maguindanao del Sur Police Provincial Office.
Gin ako sang opisyal nga very unfortunate ang natabo bangud pulis man ang nagpatay kay Captain Moralde.
Naguwa sa imbestigasyon sang Parang PNP nga ginsita sang napatay nga pulis ang suspek nga si Mohiden Untal bangud sa dala sini nga loose firearm apang nagpalag ini kag nagbayluhanay sila sang lupok ni Captain Moralde.
Tubtub sa ginbuligan ang suspek sang apat ka mga armdao nga sa indi madugay nabal an nga duha sa mga ini ang katapo sang PNP//Bangud nga nagpusilanay ang suspek kay Moralde, nangin rason man ini sang kamatayon sang suspek.
Luwas sa 2 ka mga nagsungka nga pulis, ginpangita pa sa karon ang tatlo pa ka mga suspek nga kaupdanan sang mga ini nga nagbulig sa pagluthang-patay kay Captain Moralde.
Ginkondena naman sang pamunuan sang Police Regional Office sang Bangsamoro Autonomous Region ang panghilitabo.
Madumduman nga nakuhaan pa sang CCTV footage ang napatay ang pusilanay sang biktima nga pulis kag mga suspek lakip na ang duha man ka mga pulis nga nagsungka.
Samtang nakatalana naman nga pagasang atan sang kaso nga murder ang mga nagsungka nga pulis kag ang 3 pa ka atlarge sa karon.
