KORONADAL CITY- Nagapadayon sa gihapon ang clearing operations sang militar sa mga banwa sa probinsya sang Maguindanao bangud sa asud-asod nga engkwentro sa tungan sang militar kag sang Bangsamoro Islamic Freedom Fighters.
Sa ekslusibo nga interbyu sang Bombo Radyo Koronadal kay Army Captain Arvin Encinas, tagpamaba sang 6th Infantry Division Philippine Army nakaalerto sa gihapon sila sa posible nga retaliation kasunod sang ginlunsar nga air to ground assault batuk sa mga ini kag pagkubkob sa BIFF camp kag sa factory sang mga armas sang mga terorista ngga grupo.
Ginalauman man nga magasaka pa ang numero sang mga napatay sa bahin sang BIFF bangud sa mga napagkit nga mga malala nga napilasan sa ila mga kaupdanan.
Sa pihak nga bahin ang 2 ka pilason nga mga suldado ang ginpasidunggan sang Armed Forces of the Philippines sang medalya sang kaisog kun sa diin padayon pa ang mga ini nga nagapaayo kag yara na sa luwas nga kahimtangan.
Nahibaluan nga ang engkwentro ang nag-ibwal sa mga banwa sang Datu Saudi Ampatuan, Datu Salibo, Mamasapano, Shariff Aguak kag Shariff Saydona, Mustapha, Maguindanao kun sa din target sang militar ang mga grupo nanday Kumander Karialan, Kumander Bungos at Kumander Abu Toraifie sang BIFF.
