KORONADAL CITY– Ginpasakaan na sang kaso ang 2 ka rape suspects makaligad nga maarestar sang Koronadal City PNP sa ginpatigayon nga operasyon makaligad magpanglugos ang mga ini sang 2 ka mga menor de edad sa syudad.
Sa impormasyon nga nakuha sang Bombo Radyo Koronadal arestado ang isa ka 24 anyos kag isa ka 50 anyos nga mga suspek bangud sa pagpang-abuso kun sa diin gintanyagan suno pa sang mga suspek sang kwarta ang mga bata kag gin molestya sa pribado nga lugar kun sa diin suno sa reklamo, ginpakaon sang mga ini ang ila kinatawo sa 10 kag 12 anyos nga mga menor de edad nga mga lunsay lalaki.
Ginpanginwala naman sang mga suspek ang akusasyon batuk sa ila.
Sa karun nagpamalibad anay nga ipahibalo ang identity sang mga suspek bangud kilala sang ila pamilya ang mga suspek.
