KORONADAL CITY- Panibag-o nga 2 ka mga katapo sang New People’s Army o NPA ang nagsungka sa banwa sang Banga ,South Cotabato. Gintumod sang 6th Infantry Division sang Philippine Army ang 2 ka mga rebel-returnees ang naghalin sa Platoon Samsung, Guerilla Front 73, Far South Mindanao Region kag naga operar sa kabukiran sang South Cotabato.
Ginkalipay naman nanday 1st Mechanized Brigade Commander, Brigadier General Pedro Balisi Jr kag Major General Juvymax Uy, Commander sang Joint Task Force Central kag sang 6th Infantry Division ang pagsungka sang mga nasambit nga rebel-returnees.Bitbit man sang mga ini ang 1 ka unit sang 5.56mm (Colt) M16A1 Rifle, isa ka Cal .30 (Springfield) M1 Garand Rifle kag 2 Hand Grenades.
Ginpahayag sang mga anay rebelde nga nagsungka ang mga ini bangud sa ginpasangkad pa nga operasyon sang mga sundalo batok sa mga rebelde.
Naga laum naman ang 6th Infantry Division nga maganyat pa ang iban nga mga rebelde nga magsungka kag madugangan pa ang mga maga balik sa sabak sang gobyerno.
Igapaidalom naman sa Enhanced – Comprehensive Local Integration Program o E-CLIP ang mga nagsungka nga mga rebel-returnees.
