KORONADAL CITY- Ginapangita na ang 5 sa anum ka mga suspek sa pag rape sa 2 ka menor de edad sa bahin sang Brgy. Katico, Pres. Quirino Sultan Kudarat.
Nahibaluan nga ginkilala ang mga biktima nga sanday alyas Neneng kag alyas Joy mga menor de edad nga residente sang nasambit nga banwa kun sa diin gin-imbitaran ang mga ini sang barkada ni alyas Joy nga mag-inom inom sa lugar nanday Marlon kag Gerald Adam.
Una na suno pa nga nagpanghindi si alyas Neneng apang nagsugot ang iya pakaisa nga si Joy rason nga nag-upod na lamang ini.
Pag-abot sa lugar, kaupod nila nga nag inom ang 6 ka magpakaisa nga lalaki kun sa diin makaligad mahubog ang duha ka mga menor de edad ginpanghimuslan nila ang mga ini.
Suno kay alyas Neneng, gindala suno pa ini sa kwarto kag ginbulos-bulusan sang mga suspek samtang si alyas Joy ang gindala sa underground.
Pagka-aga suno pa nakakuha sang tion si alyas Joy kag Neneng nga makapalagyo kun sa diin nasapwan ang mga ini nga mahuyang na kag nagahapa-hapa sa dalan.
Gilayon ang mga ini nga ginbuligan sang mga residente nga nakakita kag gindangat sa balay bululngan.
Natikma naman sang kapulisan ang isa sa anum ka mga suspek nga si alyas Moy-Moy samtang ginapangita na sang Pres. Quirino PNP ang 5 nga mga nakapalagyo.
