KORONADAL CITY- Nagapangatubang sa karun sa kaso nga paglapas sa International Humanitarian Law ang 2 ka matag-as nga mga opisyal sang militar sa probinsya sang South Cotabato kag Sultan Kudarat angot sa nagluntad nga engkwentro sa Sitio Datal Bonglangon sa Brgy. Ned Lake Sebu South Cotabato.
Sa interbyu sang Bombo Radyo Koronadal kay Commission on Human Rights 12 Director Erlan Deluvio, ang nasambit nga opisyal amuh sanday 33rd Infantry Battalion commander Ltc Harold Cabunoc kag 27th IB commander Ltc Benjamin Leander nga nagpanguna sa pakig-engkwentro sa Ned kun sa diin ila naka-engkwentro nila ang ginasiling nga tribal militia sang New People’s Army nga nagresulta sa kamatayon ni Datu Victor Danyan nga isa ka tribal leader kag 8 pa ka myembro sang tribo.
Nahibaluan nga gin-insister sang pamilya ni Datu Victor nga ginmasaker ang ila nga tribo kag ginpabulaanan nga nagdamig sa NPA nga baliskad sa pahayag sang militar nga ginahimo sila nga tribal militia sang NPA base man sa mga dokumento nga ila narekober kun sa diin dugang pa nga ang grupo suno pa ni Datu Victor kag sang pila ka matas nga lider sang NPA sa lugar ang nagpatukod sang revolutionary barangay sa Sitio Datal Bonglangon nga nagresulta sa engkwentro.
Samtang sa karun napadala na ang subpoena para sa nasambit nga mga opisyal kag kinahanglan nila ini nga sabton sa sulod lang sang 10 ka adlaw.
Suno kay Deluvio, kun mapamatud-an nga may yara sang bayolasyon ang militar kasubong sang pag-angkon sang excessive force, abuse of authority sa idalum sang Martial Law magapanabat ang mga ini.
