2 ka manugtakod sang solar streetlights, nakureyente-patay sa Tboli, South Cotabato

KORONADAL CITY – Patay ang duha katawo nga makatakod lamang kuntani sang solar streetlights matapos nga makuryente sa banwa sang Tboli, South Cotabato.

Ginkilala sang Tboli PNP ang mga biktima nga sanday Reymark Lumutos Lacheca, 28 anyos, residente sang Barangay Poblacion kag Mike Okom Malones nga residente naman sang Barangay Talcon, Tboli, South Cotabatao.

Naguwa sa imbestigasyon sang mga otoridad nga aksidente nga nakuryente sa main line sang SOCOTECO 1 ang duha samtang nagaplastar agud nga ikabit ang solar streetlights, Sabado sang hapon sa nasambit nga lugar.

Nadala pa sa pinakamalapit nga hospital ang duha apang gindeklarar na nga dead on arrival sang attending physician.