Naglab-ot sa P6.8M nga balor sang ginapatihan nga shabu ang nasamsam sang gintingob nga pwersa sang PDEA-BARMM, CCPO kag LGU-Cotabato batok sa 2 ka mga High Value Indibidual o HVI sa bahin sang Governor Gutierrez Avenue, Barangay RH9, Cotabato City.
Ginkilala ni PDEA BARMM Spokesperson Agent Jo’Mary ang mga suspek nga sanday Ato kag Dann.
Nagdangat sa isa ka kilo sang shabu ang narekober sang mga otoridad sa posisyon kag paghinakop sang mga suspeknon-drug evidence kag buybust money.
Suno kay Agent Jo’Mary naglab-ot man sa 3 ka semana ang transaksyon sang mga otoridad antes nga nadakpan ang mga suspek.
Samtang, gindayaw naman ni CCPO Director PCOL. Joel Estaris ang PDEA BARMM sa liderato ni Regional Director Gil Cesario Castro sa madinalag-on ang pagkadakop sang mga suspek nga madugay na naulamid sa baligyaan san droga sa lugar.
Nagapanawagan naman ang mga otoridad sa mga padayon nga naga usar sang illegal nga droga nga untatan na ang mga ini kag magbalik na sa maayo nga pagpangabuhi.
Nakatalana naman nga pasakaan sang kaso nga pagbayolar sa Republic Act 9165 o Comprehensive Dangerous Drugs Act of 2002 ang mga suspek nga madugay na gina-surveillance sang mga kapulisan.
