KORONADAL CITY- Nagapadayon sa gihapon sa karon ang imbestigasyon sang South Cotabato PNP sa napagkit nga paghikog sang duha ka mga estudyante sang South East Asian Institute of Technology o SEAIT.
Sa ekslusibo nga interbyu sang Bombo Radyo Koronadal kay Tupi South Cotabato Chief of Police Major Andrei Sumugat, ginkilala ang isa sa mga naghikog nga si alyas Diane, 18 anyos kun sa diin nasapwan na lamang ini nga nakahigot ang ligo usar ang nylon rope sa sulod sang comfort room sang iya nga boarding house sa Prk. 2 Brgy. Poblacion sang nasambit nga banwa kag nagbilin pa sang suicide note nga nagpangayo sang pasaylo sa iya mga ginhikanan bangud indi na suno pa sini matuman ang handom sini para sa iya.
Samtang sa pihak nga bahin, naghikog man ang 2nd year college student nga si alyas Ron-Ron kun sa diin suno sa iya pakaisa nga si Brgy. San Isidro, Sto Niño, South Cotabato SK chairman Harnel Palomo nasapwan na lamang nga wala na sang kabuhi si alyas Ron-Ron makaligad maghikog usar ang kadena kag higot.
Sa karon wala pa sang ideya ang mga himata sang mga ini kun ano ang matuod nga kabangdanan sa paghikog sang mga biktima.
