KORONADAL CITY- Duha ka CAFGU ang ginbawian sang kabuhi matapos nga luthangon sang ila kaupod sa trabaho.
Ginpahayag ni Chief of Police sang Tampakan PNP nga nagluntad ang insidente sang Marso 6, 2017 sa Packing Center sang Lapanday Production Site sa Barangay Kipalbig, Tampakan, South Cotabato.
Didto suno pa naka-assign ang 3 ka CAFGU kun sa diin nakaangkon sila sang ila paghangpanay nga nagtulod sa suspek nga si Jeffrey Tante, 23-anyos kag residente sang Barangay Kablon, Tupi, South Cotabato nga luthangon ang iya kaupdanan nga sanday Junior Uganap, 36-anyos, residente sang Barangay Santa Cruz, Tampakan kag Reymund Blanza, 25-anyos, residente sang Barangay Cebuano, Tupi.
Gilayon naman suno pa nga nagsurrender ang suspek sa pagkadason nga adlaw sa Chairman sang barangay kag ginturn over ini sa iya nga commanding officer kag gindala sa Tampakan Municipal Police Station.
