Duha ka kabataan ang ginbawian sang kabuhi samtang pilason naman ang Misis kag isa pa ka bata sa nagluntad nga pagpamuno sang isa ka Mister sa kaugalingon nga pamilya sa Purok 2, Lipay Dingin Panibuatan, sa Iba Zambales.
Suno sa mga otoridad, nagpauli ang isa ka mister nga si alyas Ambot, 30 anyos gikan sa ila kaingod balay sang pag-abot sini gilayon nga ginsirado ang ila puluy-an, nagkuha sang binangon kag ginpamuno ang iba nga Misis kag duha ka kabataan.
Ginasiling ginsulod mismo sang Mister sa kwarto ang mga nagakatulog nga kabataan sini.
Nakahingyo pa sang bulig ang isa sa ila nga kaingod rason nga nabuhi ini.
Nag-angkon sang buno sa ulo kag nagkalain-lain nga parte sang ila nga lawas ang mga biktima labi na ang napatay nga 10-anyos nga babaye kag ang 7 -anyos nga bata nga lalaki.
Sa subong, napreso na angn suspek kag natalana nga pasakaan sang nagakaigo nga kaso.
Nahibaluan nga nagbulagay na ang mag-asawa matapos nga nagpatunga ang DSWD bangud sa pagpanakit sang suspek.
Nakapauli pa ang Misist sa banwa sang Tboli, South Cotabato apang sang tuig 2018 nagbalik ini sa Iba, Zambales.
Sa subong, nakahaya na ang duha ka bata samtang padayon nga ginabulong sa hospital ang Misis kag isa ka bata sini.
