KORONADAL CITY- Ginatos ka mga pasahero ang naka-eksperyensya sang pagka stranded sa pila ka mga banwa sa probinsya sang Sultan Kudarat bangud sa bilog nga adlaw nga pagbubo sang ulan.
Nahibaluan nga pinakaapektado nga banwa amuh ang Kalamansig kag Palimbang Sultan Kudarat.
Sa ekslusibo nga interbyu sang Bombo Radyo Koronadal kay Kalamansig, Sultan Kudarat Vice Mayor Garcia tatlo ka mga barangay nila ang apektado nga ginakabug-usan sang Brgy. Hinalaan, Brgy. Limulan kag Brgy. Sabanal.
Samtang sa banwa naman sang Palimbang, Sultan Kudarat apektado ang Brgy. Kiponget.
Nakapagkit naman sang malapnagon nga landslide kag mga pagbaha sa nasambit nga mga banwa kun sa diin nagkalatumba ang mga kahoy kag nabalabagan ang mga nagapanguna nga dalanon.
Padayon naman ang monitoring sang MDRRMC sa nasambit nga insidente.
